പോസ്റ്റുകള്‍

2015 തൊട്ടുള്ള പോസ്റ്റുകൾ കാണിക്കുന്നു

ഈ മാസത്തെ ആകാശം

ഇമേജ്
  2015 ആഗസ്റ്റ് 15ന് രാത്രി 8 മണിക്ക് മദ്ധ്യകേരളത്തിൽ കാണുന്ന ആകാശദൃശ്യം അധികം കാഴ്ചകളൊന്നും ഒരുക്കി വെക്കാത്ത മാസമാണ് ആഗസ്റ്റ്. ഭൂമിയിലാണ് ഈ മാസം വസന്തം സൃഷ്ടിക്കുന്നത്. എങ്കിലും വാനനിരീക്ഷകരെ പൂർണ്ണമായും നിരാശരാക്കേണ്ട എന്നു കരുതിയാകണം മനോഹരമായ ഒരു ഉൽക്കാവർഷം ഈ മാസത്തേക്കു വേണ്ടി കരുതിവെച്ചത്.  ഈ മാസത്തെ പ്രധാന ആകാശക്കാഴ്ച പെർസീഡ്സ് ഉൽക്കാവർഷമാണ്. ആഗസ്റ്റ് 11,12,13 തിയ്യതികളിലാണ് ഇതു കാണാനാവുക. ഈ ദിവസങ്ങളിൽ അർദ്ധരാത്രിക്കു ശേഷം പെർസ്യൂസ് നക്ഷത്രരാശിയുടെ ദിശയിൽ നിന്നും ധാരാളം ഉൽക്കകൾ വീഴുന്നത് കാണാനാകും. സ്വിഫ്റ്റ് ടട്ടിൽ എന്ന ധൂമകേതു വഴിയിലുപേക്ഷിച്ചു പോയ അവശിഷ്ടങ്ങൾ ഭൂമിയുടെ ആകർഷണവലയത്തിൽ പെടുമ്പോഴാണ് പെർസീഡ്സ് ഉൽക്കാവർഷം ഉണ്ടാവുന്നത്. ഉൽക്കാവർഷങ്ങളിൽ വളരെ മനോഹരമായ ഒന്നാണിത്. നഷ്ടപ്പെടാതെ നോക്കുക. ശനിയൊഴികെയുള്ള ഗ്രഹങ്ങളെല്ലാം സൂര്യനോടു ചേർന്നു നിൽക്കുന്നതുകൊണ്ട് ഈ മാസം അവയെ കാണാനാവില്ല. ശനിയെ വൃശ്ചികം രാശിയിൽ കാണാനാകും.  ഒരു ദൂരദർശിനിയിൽ കൂടി നോക്കുകയാണെങ്കിൽ വലയങ്ങൾ വളരെ ഭംഗിയിൽ കാണാനാകും. വൃശ്ചികം നക്ഷത്രരാശിയാണ് ഈ മാസം സൂര്യനസ്തമിച്ചാൽ ആകാശത്തിനഴകേകുവാനുണ്ടാവുക. മനോഹരമ

അന്താരാഷ്ട്ര ബഹിരാകാശ നിലയത്തെ കാണാന്‍

ഇമേജ്
ഭൂമിയില്‍ നിന്ന് ആകാശത്തേക്കു നോക്കിയാല്‍ നമുക്ക് കാണാന്‍ കഴിയുന്ന ഏറ്റവും തിളക്കമേറിയ മനുഷ്യനിര്‍മ്മിത വസ്തുവാണ് ഐഎസ്എസ് എന്ന ചുരുക്കപ്പേരിലറിയപ്പെടുന്ന അന്താരാഷ്ട്ര ബഹിരാകാശ നിലയം . ഭൂമിയുടെ പരിമിതികളില്‍ നിന്നും മാറിനിന്നുകൊണ്ട് പരീക്ഷണങ്ങള്‍ നടത്താനുള്ള ഒരു വലിയ ഗവേഷണശാലയാണ് ഇത് . 1998 നവംബറിലാണ് നിലയത്തിന്റെ ആദ്യഘടകം സര്യാ വിക്ഷേപിക്കപ്പെടുന്നത് . 2000 നവംബറില്‍ ആദ്യത്തെ ശാസ്ത്രസംഘം അവിടെയെത്തി . വീണ്ടും ഒരു വര്‍ഷം കൂടി വേണ്ടി വന്നു നിലയത്തിന്റെ നിര്‍മ്മാണം പൂര്‍ത്തിയാവാന്‍ . 1000 മണിക്കൂറെടുത്ത 127 ബഹിരാകാശ നടത്തങ്ങള്‍ വേണ്ടി വന്നു ഇതിന് . ഈ ദൗത്യത്തിന്റെ ആലോചനാഘട്ടത്തില്‍ തന്നെ ഇതിന്റെ വലിപ്പത്തെ കുറിച്ചും ഭൂമിയില്‍ നിന്നുള്ള കാഴ്ചയെ കുറിച്ചും ഉള്ള കൗതുകങ്ങള്‍ പങ്കുവെച്ചു തുടങ്ങി . ഇന്റര്‍നെറ്റും സോഷ്യല്‍ മീഡിയകളും പ്രചാരത്തിലില്ലാത്ത ആ കാലത്തും വായിച്ചും പറഞ്ഞും ഇതു പ്രചരിച്ചു . നക്ഷത്രങ്ങള്‍ക്കിടയിലൂടെ ബഹിരാകാശ നിലയം പറന്നു പോകുന്നതു കാണാന്‍ രാത്രികളില്‍ മാനത്തേക്കു കണ്‍പാര്‍ത്തു . ഏകദേശം ശുക്രനോളം തിളക്കത്തില്‍ ആകാശത്തിലൂടെ എന്തെങ്കിലും നീങ്ങുന്നുണ്ടോ എന്നു നോക്കി