പോസ്റ്റുകള്‍

ഏപ്രിൽ, 2012 തൊട്ടുള്ള പോസ്റ്റുകൾ കാണിക്കുന്നു

സൂര്യനിൽ മഴപെയ്യുന്നുവോ?

ഇമേജ്
സൂര്യനിൽ മഴയോ ? സംശയമുണ്ടെങ്കിൽ ഈ വീഡിയോ ഒന്നു കണ്ടുനോക്കൂ . സൂര്യനിൽ മഴ പെയ്യുന്നതു ശരിക്കും കാണാം . " മറ്റുള്ളവർക്കായി സ്വയം കത്തിയെരിയുന്ന സുസ്നേഹമൂർത്തിയാം സൂര്യൻ " ഇപ്പോൾ കെട്ടുപോകുമോ എന്നാണു പേടിയെങ്കിൽ വേണ്ട . അവിടെ മഴയായി ഉതിർന്നു വീഴുന്നത് ജലകണങ്ങളല്ല , പ്ലാസ്മാ രൂപത്തിലുള്ള ദ്രവ്യകണങ്ങളാണ് . സൗരാന്തരീക്ഷ ദ്രവ്യ വിസ്ഫോടനവും ( coronal mass ejection ) അതിന്റെ തിരികെ വീഴ്ചയുമാണ് ഇതിൽ കാണുന്നത് . വളരെ ശക്തിയായി പുറത്തേക്കു തെറിക്കുന്ന പ്ലാസ്മാ ദ്രവ്യകണങ്ങൾ സൂര്യന്റെ ഗുരുത്വവലിവു കാരണം അതിലേക്കു തന്നെ തിരിച്ചു വീഴുന്നു . അതേസമയം സൂര്യനിൽ നിന്നും പുറത്തേക്കുള്ള ഊർജ്ജപ്രവാഹത്തിന്റെ തള്ളൽ ഈ വീഴ്ചയുടെ വേഗത കുറയുന്നതിനു കാരണമാകുന്നു . കഴിഞ്ഞ 16 ന് ഉണ്ടായ ശക്തിയേറിയ ദ്രവ്യവിസ്ഫോടനത്തിന്റെ ദൃശ്യം ഹിനോഡെ ബഹിരാകാശ പേടകത്തിലെ സോളാർ ഓപ്റ്റിക്കൽ ടെലിസ്കോപ് ഉപയോഗിച്ചു പകർത്തിയതാണ് ഈ വീഡിയോ .

നവഗ്രഹങ്ങളുമായി ഒരു നക്ഷത്രം!

ഇമേജ്
സൗരയൂഥത്തിൽ നിന്ന് പ്ലൂട്ടോയെ പുറത്താക്കിയതോടെ നവഗ്രഹങ്ങൾ എന്ന പ്രയോഗം ജ്യോതിഷത്തിൽ മാത്രമായി ഒതുങ്ങിപ്പോയിരിക്കുകയായിരുന്നല്ലോ . എന്നാൽ ഇപ്പോഴിതാ ആ വിഷമം തീർക്കാൻ ഒരു നക്ഷത്രം ഒമ്പതു ഗ്രഹങ്ങളെ ചേർത്തു പിടിച്ചുകൊണ്ടെത്തിയിരിക്കുന്നു . ഭൂമിയിൽ നിന്നും 130 പ്രകാശവർഷം അകലെയുള്ള HD 10180 എന്ന നക്ഷത്രമാണ് നവഗ്രഹകൂട്ടായ്മയുമായി രംഗത്തെത്തിയിരിക്കുന്നത് . Astronomy and Astrophysics എന്ന ജേർണലിലാണ് പുതിയ വിവരങ്ങൾ പ്രസിദ്ധപ്പെടുത്തിയിരിക്കുന്നത് . ചിലിയിലെ 3.6 മീറ്റർ ഹാർപ്സ് ( High Accuracy Radial Velocity Planet Searcher ) ടെലിസ്കോപ്പിൽ നിന്നും ലഭിച്ച വിവരങ്ങൾ വിശകലനം ചെയ്തപ്പോഴാണ് സൂര്യനോടു സമാനത പുലർത്തുന്ന HD 10180 എന്ന നക്ഷത്രത്തിനു ചുറ്റും ഒമ്പതു ഗ്രഹങ്ങൾ ഭ്രമണം ചെയ്യുന്നുണ്ടെന്ന വിവരം ലഭിച്ചത് . ഇതിലെ രസകരമായ വസ്തുത ഇതേ വിവരങ്ങൾ മുമ്പു വിശകലനം ചെയ്തതിൽ നിന്ന് ആറു ഗ്രഹങ്ങൾ തീർച്ചയായും ഉണ്ടെന്നും ഏഴാമതൊന്നു കൂടി ഉണ്ടാവാനുള്ള സാദ്ധ്യത ഉണ്ടെന്നുമുള്ള നിഗമനത്തിലായിരുന്നു ശാസ്ത്രജ്ഞർ എത്തിയിരുന്നത് . ഏഴാമത്തെ ഗ്രഹത്തിന്റെ കാര്യം തീർച്ചപ്പെടുത്തുന്നതിനു വേണ്ടി നടത്തിയ തുടർപഠങ്ങളിൽ നിന്നാ

ചൊവ്വയിൽ ആനയോ?!

ഇമേജ്
ഈ ചിത്രം ചൊവ്വയിൽ നിന്നെടുത്തതാണ്. നാസയുടെ മാർസ് റെക്കനൈസൻസ് ഓർബിറ്ററിലെ ശക്തികൂടിയ ഹൈറൈസ് (HiRISE) കാമറ ഉപയോഗിച്ച് എടുത്തതാണിത്. പിന്നെന്തിനു സംശയിക്കണം? ചൊവ്വയിലെ എലീസിയം പ്ലാനീഷ്യ എന്ന പ്രദേശത്ത് 100മില്യൻ വർഷങ്ങൾക്കു മുമ്പ് അഗ്നിപർവ്വതം പൊട്ടി ഒഴുകിയ ലാവ ഉറഞ്ഞുണ്ടായ രൂപമാണിത്. ശരിക്കും ഒരു ആനത്തല! ഇതു പോലെ നിരവധി രൂപങ്ങൾ ചൊവ്വയിൽ നിന്ന് കണ്ടെടുത്തിട്ടുണ്ട്. ഇവ പലതും ചില മാധ്യമങ്ങൾ തെറ്റായി ഉപയോഗിക്കുകയും ചെയ്തിട്ടുണ്ട്. ഇങ്ങനെ രണ്ടുവർഷം മുമ്പ് വ്യാപകമായി പ്രചരിച്ചതായിരുന്നു ചൊവ്വയിൽ കരടിയെ കണ്ടെന്നത്. നമ്മുടെ രണ്ടു വലിയ മലയാളം ദേശീയപത്രങ്ങൾ(അങ്ങനെയാണ് അവർ അവകാശപ്പെടുന്നത്) ഇത് വളരെ ആഘോഷപൂർവ്വം കൊണ്ടാടുകയും ചെയ്തു. പാരീഡോളിയ എന്നറിയപ്പെടുന്ന ഈ പ്രതിഭാസം നമ്മുടെ നിത്യജീവിതത്തിലും നാം പലപ്പോഴും കണ്ടിട്ടുണ്ടാവും‌--ആകാശത്തിലെ മേഘങ്ങളിൽ, ടാറിട്ട റോഡുകളിൽ മഴ പെയ്തു തോർന്നതിനു ശേഷം... ഇങ്ങനെയുള്ള മറ്റു ചില ചിത്രങ്ങൾ ചൊവ്വയിൽ നിന്ന്---

ഏപ്രിൽ മാസത്തെ ആകാശവും വിശേഷങ്ങളും

ഇമേജ്
ചുവന്ന നിറത്തിൽ കാണുന്നത് ക്രാന്തിവൃത്തം. നീലനിറത്തിൽ ഖമദ്ധ്യരേഖ  ഏപ്രിൽ 15ന് രാത്രി 8.30ന് മദ്ധ്യകേരളത്തിൽ കാണാൻ കഴിയുന്ന ആകാശദൃശ്യം ആകാശവിശേഷങ്ങൾ ഏപ്രിൽ 6: പൗർണ്ണമി ഏപ്രിൽ 15: ശനി ഓപ്പോസിഷനിൽ ഏപ്രിൽ 21: അമാവാസി ഏപ്രിൽ 21,22: ലൈറിഡ് ഉൽക്കാവർഷം ഏപ്രിൽ 28: ജ്യോതിശാസ്ത്ര ദിനം

ഇതുവരെ

കൂടുതൽ‍ കാണിക്കുക