2014, ഫെബ്രുവരി 6, വ്യാഴാഴ്‌ച

ഫെബ്രുവരിയിലെ ആകാശം

ഈ മാസം 15ന് രാത്രി 8.30൹ മദ്ധ്യകേരളത്തിൽ കാണുന്ന ആകാശം
പ്രധാനസംഭവങ്ങൾ
ഫെബ്രുവരി 12:- സൂര്യൻ കുംഭം രാശിയിൽ പ്രവേശിക്കുന്നു.
ഫെബ്രുവരി 14:- പൗർണ്ണമി
ഫെബ്രുവരി 18:- ബുധൻ മീനം രാശിയിൽ പ്രവേശിക്കുന്നു.
ഫെബ്രുവരി 26:- ശുക്രൻ മകരം രാശിയിൽ പ്രവേശിക്കുന്നു.
ചരിത്രരേഖ
2003 ഫെബ്രുവരി 1: 
നാസയുടെ ബഹിരാകാശപേടകമായ കൊളംബിയ തകർന്നു.
1989 ഫെബ്രുവരി 14:
24 ജി.പി.എസ്. ഭ്രമണപഥത്തിലെത്തി.
1959 ഫെബ്രുവരി 17:
ആദ്യത്തെ കാലാവസ്ഥാനിരീക്ഷണോപഗ്രഹമായ വാൻഗ്വാർഡ്-2 വിക്ഷേപിച്ചു.
1930 ഫെബ്രുവരി 18:
പ്ലൂട്ടൊയെ കണ്ടെത്തി.
1997 ഫെബ്രുവരി 23:
മിറിൽ വൻതീപിടിത്തം.
നിരീക്ഷണം
ബുധൻ
ഈ മാസം ആദ്യവാരത്തിൽ പടിഞ്ഞാറൻ ചക്രവാളത്തിൽ സൂര്യാസ്തമയത്തോടടുപ്പിച്ച് കാണാം. 15൹ സൂര്യനോടു ചേർന്നു നിൽക്കും.
ശുക്രൻ
ഈ മാസം മുഴുവൻ പ്രഭാതത്തിൽ ശുക്രനെ കാണാം. 26വരെ ധനു രാശിയിലും അതിനു ശേഷം മകരം രാശിയിലും. ഇപ്പോൾ ശുക്രനെ വളരെ തിളക്കത്തിൽ കാണുന്ന സമയമാണ്. ഫെബ്രുവരി 15൹ ആയിരിക്കും ഏറ്റവും തിളക്കത്തിൽ കാണുക--കാന്തിമാനം -4.5
ചന്ദ്രൻ
14നാണ് പൗർണ്ണമി. ഈ മാസം അമാവാസി ഇല്ല. 19൹ ചിത്തിര നക്ഷത്രത്തിനടുത്തും 21൹ പ്രഭാതത്തിൽ ശനിയുടെ അടുത്തും കാണാം. മഡഗാസ്കർ, ന്യൂസിലാന്റ്, ആസ്ട്രേലിയയുടെ ചില ഭാഗങ്ങൾ എന്നിവിടങ്ങളിലുള്ളവർക്ക് ചന്ദ്രൻ ശനിയെ മറച്ചു കടന്നു പോകുന്നതു കാണാം. 26൹ ശുക്രനോടു ചേർന്നു കാണാം. 
ചൊവ്വ
ഈ മാസം മുഴുവനും കന്നി രാശിയിൽ കാണാം.
വ്യാഴം
ഇപ്പോൾ മിഥുനം രാശിയിൽ. ഒരു ചെറിയ ദൂരദർശിനിയുണ്ടെങ്കിൽ വ്യാഴത്തിലെ ചുവപ്പ് പൊട്ട് കാണാം.
ശനി
സൂര്യോദയത്തിനു മുമ്പ് തുലാം രാശിയിൽ കാണാം.
ഈ മാസത്തെ വാക്ക്
ആസ്റ്ററിസം
തിളക്കമേറിയ നക്ഷത്രങ്ങളെ ചേർത്തുണ്ടാക്കുന്ന പാറ്റേണുകളെ
വിശേഷിപ്പിക്കുന്ന പേര്. ചതുരം, ത്രികോണം തുടങ്ങിയ രൂപങ്ങളാകും.
ടിപ്
വളരെ തിളക്കം കുറഞ്ഞ നക്ഷത്രങ്ങളെ
കൂടി കാണുന്നതിനു വേണ്ടി
കുറച്ചു നേരം കണ്ണടച്ചു പിടിച്ചു നോക്കിയാൽ
മതി. വെളിച്ചം പരമാവധി കുറഞ്ഞ പ്രദേശമാണ്
നിരീക്ഷണത്തിനു നല്ലത് എന്നു പ്രത്യേകം
പറയേണ്ടതില്ലല്ലോ.
ഈ മാസത്തെ വീഡിയോ
 

1 അഭിപ്രായം:

Get

Blogger Falling Objects